前晚網民發起太古城「和你唱」活動，當時在現場和老公家庭日行街路過的吳日言遇到警察驅趕，在IG鬧爆「賤人」，之後除了不少香港網民留言撐之外，就引來大量大陸網民留言狂鬧，而好朋友鄧穎芝亦有留言支持。今日吳日言出圖表示很多人支持自己報平安，而鄧穎芝亦在IG限時動態出片，原來約埋吳日言齊齊食蛋糕，懶理五毛。
前晚路經太古城之後吳日言在IG留言：「自從上年6月，睇到唔少人無理被鬧、被打、被控告。心想如果自己是當中主角我會點樣做。結果今日兜口兜面俾人驅趕，我什麼都做不到。我好嬲好嬲好嬲，同時好傷心，唔敢相信香港真係變成咁。今日喺太古我做唔到啲乜，只能夠啤住d賤人，完。#香港加油」之後其IG就引來大量五毛，不過亦有香港網民留言支持，另外李綺雯、商台朱薰亦有留言。
而今日再出和老公合照就說：「收到好多朋友嘅鼓勵，ok我無事。做得藝人預咗俾人評頭品足，再痛苦嘅經歷我都承受過，無奈嘅係連累屋企人。作為一個媽咪我會教導下一代要了解事情嘅是非黑白，社會有幾多人支持自己，就要接受有幾多人反對你。發表自己嘅意見係無罪，至少呢一刻係，希望將來都可以有言論自由。#香港加油 #老公支持」
來源: LIHKG
以上內容皆為轉發，資料未經確實，只供備份參考。上述內容並不代表本站
