有無諗過對家已經幫到盡

今日大家都有嬲,但都想花大家一分鐘睇下。

香港喺「回歸前」被殖民超過一百年,從來都無自己身份認同。

「回歸後」,大陸d所謂同胞知識文化水平比我地低唔知幾多萬倍,但「香港人」依個身份,從來都無正式咁驗證過,年年七一,六四出黎鳩下鳩下咁就算,雨傘又喺左膠,分化底下收皮,五年來,「香港人」雖然不斷喺年輕一代發酵,但從來無驗證,亦無機會驗證。一個民族,一個身份認同,唔係話我喺個地方住幾多年就會有,而係需要共同渡過苦難既時刻,然後重生,先有一個身份認同。

美國係人民用手上既槍而立國,所以今時今日佢地一槍在手,除左係自衞,更重要係佢地對依段歷史既重視,認同擁有槍械既自己喺依個國家既地位。

而香港,從來都無經歷咩苦難,沙士、金融風暴,最多都係經濟衰退,未至於窮到無錢開飯。但到左2019年既夏天,對家終於出手,比左一個影響全香港人既送中條例出黎,香港既人前所未有咁團結,一百萬、二百萬、一百七十萬,各區開花,和理非勇武並進,打破多個歷史、心理關口。有無諗過,對家只要咩都唔做,個運動熱潮好易就好似雨革咁消逝,但係佢無,佢喺你每一次冷卻既時候重新點火,一點就點個大火,一百萬人破紀錄,第二日二讀、612暴動,616二百萬叫撤回,你話暫緩、721玩埋鄉黑、811射破無辜救護既眼、831太子殺埋人,數都數唔哂,仲有平時一路透過假新聞警暴,新屋嶺keep住你地團火。為既係咩?香港人最記仇?傻啦,香港人最善忘呀!

大家,對家真係幫到盡,幫緊既係依一代,唔淨係年輕人,係所有生活喺香港既人,激發你地,一手一腳,重奪自己既香港。如果對家咁樣助攻,你地仲咩都唔做,到時中共依隻大老虎就一啖食左香港,永不翻身。

以後加多一句口號:
願榮光 歸香港
依句唔係一句歌詞,係將自由、民主帶比香港既一個使命、責任同義務!

願榮光 歸香港

 

//

以上內容轉發自LIHKG,資料未經確實,只供備份參考。

上述內容並不代表本站立場

來源:月巴月巴
Loading...