林盛斌(Bob)最近自爆被逼遷,今日有報道指Bob一家八口,老婆、三女一子加兩個外傭,一直以每月11萬租住加多利山三千呎豪宅,但數月前被業主通知不獲續約,搞到阿Bob嬲到震!

挨年近晚要搵屋搬又確係幾頭痛,好彩Bob有位精明老婆黃乙頤(Pearl)。Pearl略懂風水,喺九龍塘搵咗間風水屋,過幾日就要搬。

日前Bob嫂Pearl仲喺網上放售二手四人兒童床。張兒童床係由兩間小木屋組成,連接住一條瀡滑梯落床,啱晒小朋友。兒童床可以容納四個人,相中見地下仲有兩張床褥,相信係留畀兩位外傭瞓,不過呢組兒童床咁巨型,間屋細啲都放唔落呀!

Bob嫂Pearl今日回覆傳媒時透露未售出,佢話﹕「張床好大呀,同埋都新新哋,如唔係要搬,都諗住瞓到佢哋大個,睇有冇人咁啱,屋企可以放到,我都係諗住意思意思攞番少少,賣唔到都要掉。」

 
 
 
 
(綜合報道)

Loading...