今次有埋楊怡終於齊人啦!佢喺社交網站上載幾張合照,開心留言:「十五年後終於歷史性一刻相聚~開心 無(毋)懼淡妝和素顏~沒在怕的感恩歲月對我們的眷顧 若年輕則歲月不老!珍惜感恩」

翁虹、胡定欣及楊怡於2003年一齊拍攝劇集《大唐雙龍傳》,戲中飾演「陰后祝玉妍」的翁虹,跟「婠婠」胡定欣是師徒關係,楊怡是飾演李淵女兒李秀寧,三人可謂相識了15載。
《大唐雙龍傳》係由林峯、吳卓羲、楊怡同唐寧主演。

早前翁虹慶祝入行30年,就透過楊怡請咗胡定欣出席派對(相關新聞:https://goo.gl/1Tk2nL)。

翁虹日前又再搞聚會,今次加埋楊怡,三個終於人齊!

佢喺社交網站上載幾張合照。

佢留言話:「大唐雙龍三姝十五年後終於歷史性一刻相聚~開心 無(毋)懼淡妝和素顏~沒在怕的感恩歲月對我們的眷顧 若年輕則歲月不老!珍惜感恩」根據康熙字典,呢個「姝」字嘅解說係指靚女嘅意思,即係話,翁虹讚自己之餘,亦有讚楊怡同定欣靚啦。
就咁睇相,呢三姝好有默契咁都戴住Cap帽,而定欣同翁虹就化咗個淡妝、楊怡就完全素顏。雖然係咁,但就咁睇,上月剛過50歲生日嘅翁虹,拍住楊怡同定欣呢對40歲未夠嘅好姊妹旁,一啲都唔輸蝕,而且仲帶有幾分少女味添。

三個都咁靚!

 

(綜合報道/Weibo)

Loading...