38歲胡杏兒2015年12月嫁老公李乘德(Phil),換言之仲有兩個多月,就係李氏伉儷結婚三周年紀念。早前杏兒宣佈同蕭定一嘅hmv數碼中國約滿,並選擇不續約,原因係「家庭及工作上會有新發展」。其實,杏兒早已明示會為囝囝李奕霆(Brendan)生多個細佬或妹妹,相信呢個亦係佢喺家庭上嘅新發展喇!
上星期係Brendan一歲生日,兩公婆之前同囝囝切蛋糕慶祝過後,前日再幫囝囝補辦咗一個生日會,仲請咗好多朋友出席,包括杏兒嘅瑜伽老師、就快預產期嘅林芊妤(Coffee)同老公、羅仲謙楊怡夫婦、黎諾懿老婆李潔瑩帶埋囝囝小春雞,王灝兒(JW)同男友Tarzan、莊思明、梁麗翹同5個月大B女,相當熱鬧。
當日大人細路都玩得好開心,相片中更見Coffee老公當眾攬女……其實係梁麗翹嘅囡囡伏喺佢壯闊嘅胸膛上冧到暈,成個慈父樣現晒型。

難怪Coffee今日都要喺Ig留言同老公講:「就算寶寶出世以後,我們還是要跟現在一樣,兩個小孩般吵吵鬧鬧地過著,你依然要哄我要保護我,不能偏心小寶寶,只有我可以偏心他,哈哈,要記得我才是你最愛。」

之後仲hashtag「#爭寵又霸道的女人」、「#肉麻」,即刻有唔少網民留言話佢放閃。
(蘋果日報)
Loading...