前港姐李美慧(Vivi)雖然臨盆在即,但仍不忘做運動。

呢日,佢就去咗放狗兼行山,仲喺社交網分享靚相。
相中見腹大便便嘅佢以素顏上陣,仲拖住愛狗、挨住圍欄影相,原來佢行咗成個半鐘,難怪開心到舉起V字手勢!

佢話:「天氣好好,我們一齊去行山,講真,作為一個孕婦,我都好佩服自己,中間完全沒有休息,一口氣完成1小時三十分鐘的行程 #孕婦 #孕婦人生 #運動好重要。」好多網民都話佢真係好健康,不過都話佢始終佗住BB,要小心啲呀!

 
 
 
(on.cc)

Loading...